Аккаунтың бар болса, Qlever ойындарын шетелде ойнай аласың. Бірақ ұтып алған жүлдені басқа елге жібере алмаймыз.

Qlever платформасының ережесі бойынша, бірнеше аккаунт ашуға тыйым салынады.

Qlever аккаунтын желіге қосыла алатын кез келген Android смартфонында немесе компьютер браузерінде пайдалануға болады.

Аккаунтты өзің өшіре алмайсың. Аккаунтты жою немесе бұғаттау үшін аккаунт тіркелген номерден Qlever әкімшісіне хабарласу керек. Ең жылдам жолы – @KZqleverbot деген Telegram боттың «Аккаунтты тіркеу немесе қалпына келтіру» бөліміне жазу.
Қандай да бір себептермен платформада аккаунтты ашқан телефон нөмірін пайдалана алмасаң, телефон нөмірін «Профиль» ➡️ «Өңдеу» ➡️ «Деректерді өңдеу» бөлімінен өзгертуге болады.

Техникалық және басқа мәселелер бойынша қолдау қызметіне хабарласуға болады. Telegram чатын пайдаланып, мәселеңді айтатын бөлімді таңда (онда жылдамырақ жауап береміз) – @KZqleverbot.
Бізге платформаның өзінен де хабарласа аласың. Смартфонда «Qlever туралы» ➡️ «Әкімшілікке хабарласу» бөліміне өт. Уеб-нұсқада экранның сол жағында тұрған мәзірден «Кері байланыс» бөлімін тауып ал.

Қолданбадағы деректерді «Профиль» ➡️ «Өңдеу» ➡️ «Деректерді өңдеу» бөлімінен өзгертуге болады. Ойынның уеб-нұсқасында профиль белгішесі экранның жоғарғы оң жақ бұрышында тұрады. Деректер әкімші тексергеннен кейін өзгертіледі. Әкімші қате толтырылған деректерді бекітпейді. Платформада шын аты-жөнің, туған күнің енгізілгеніне көз жеткіз. Платформадағы деректерің қате болса, саған сыйлық жібере алмай қаламыз.

Аккаунт мындай жағдайда бұғатталады:

• платформа кодына кедергі келтіретін модификацияларды, компьютер бағдарламаларын, роботтарды немесе басқа алгоритмдер мен әдістерді тарату және қолдану;
• ойындар нәтижесін өзгертуге және оған әсер етуге тырысу, жасанды жолмен жұлдыз жинау немесе оларды бір аккаунттан екіншісіне жіберу;
• ойындарды, олардың нәтижесін немесе платформаны манипуляциялаудың, бұзудың немесе өзгертудің басқа да тәсілдерін қолдану;
• бірнеше аккаунт ашу және пайдалану;
• платформа жұмысына немесе қолданушысына кез келген шабуыл жасау.

Ережелер туралы толығырақ «Қолданушы келісімінің» 5.8 және 5.9-тармақтарынан оқи аласың.

Аккаунттың бұғатталса, Qlever әкімшілігіне хабарласуың керек. «Аккаунтты тіркеу немесе қалпына келтіру» бөліміндегі Telegram чатқа жаза аласың (бұл – ең жылдам әдіс).
Платформа ережелерін бұзған болсаң («Қолданушы келісімі» 5.8 және 5.9-тармақтар), аккаунт бұғаттан шығарылмайды.

Аккаунтқа кірген кезде, “Құпиясөз есімде жоқ” деген батырма бар. Соны бас та, Qlever платформасына тіркелген телефон нөмірін немесе электронды поштаны енгіз. Телефон нөміріне/поштаға құпиясөзді өзгертуге арналған SMS код/сілтеме жіберіледі.

Кодты бірнеше рет сұрап, SMS жіберу шегінен асып кетсең, Qlever әкімшісіне хабарлас. @KZqleverbot Telegram чатындағы «Акаунтты тіркеу және қалпына келтіру» бөліміне жаз.

Qlever-дегі аккаунтың ұрланса немесе бұзылса, қалпына келтіру үшін құпиясөзді ауыстыруың керек.

Аккаунт байланған телефон нөмірің болмаса (сим-карта жоғалған, сынған және т.б.), @KZqleverbot Telegram чатына "Аккаунтты тіркеу немесе қалпына келтіру" бөліміне жаз.

ЕСІҢДЕ БОЛСЫН! ҚҰПИЯСӨЗДІ ЕШКІМГЕ АЙТПА. Qlever қолдау қызметі құпиясөзді ешқашан сұрамайды.
Құпиясөзді тек Qlever-дің www.qlever.asia деген ресми уеб-сайтына енгіз.
Логин мен құпиясөзді сұраған сайт ресми емес деп күдіктенсең, ешқандай дерек енгізбе. Сайттан шығып кет те, бұл туралы Telegram чаттың «Аккаунтты тіркеу және қалпына келтіру» бөліміне хабарла.

Растау коды бар SMS немесе сілтеме келмесе, жаңа кодты сұрамас бұрын мына әрекеттерді істеп көруді ұсынамыз:

• Телефон нөмірі немесе пошта дұрыс екенін тексер.
• Электронды поштадағы “спам” деген буманы тексер.
• Интернет байланысың нашар болуы мүмкін. Басқа Wi-Fi-ға немесе мобильді желіге қосылып көр.
• Телефонда/поштада SMS/хат қабылдауға жеткілікті жады бар екеніне көз жеткіз; жад бітсе, ескі sms-терді/хаттарды жоюды ұсынамыз.
• Басқа адамдардан SMS-хабарламалар/хаттар келе алатынына көз жеткіз.
• Телефонды қайта қосып көр немесе ұшақ режимін қосып/өшір.

Жоғарыдағы барлық кеңеске жүгініп көргеннен кейін «Қайтадан жіберу» түймесін бас. SMS жеткізу уақыты 30 минутқа дейін созылуы мүмкін. «Қайта жіберу» түймесін бірнеше рет (5 реттен көп) басу SMS жіберу шегінен асып кетуге әкеледі.

Код/сілтеме келмесе немесе шектен асып кетсе, Telegram чатындағы «Акаунтты тіркеу немесе қалпына келтіру» бөліміне хабарлама жібер.

Белгілі бір жүлдені алу үшін жұлдызың жеткілікті екеніне көз жеткіз. "Клевер" қолданбасындағы дүкенді ашып, ұнаған жүлдені таңдап ➡️ «Сатып алу» түймесін басып ➡️ Жеткізу мекенжайын көрсетіп ➡️ сатып алуды растасаң болғаны! Жүлденің жылдамырақ келгенін қаласаң, оны алған соң бізге Telegram чат-қа “Сатып алу (баланс, жүлделер және жеткізу)” бөліміне жаз.

Жұлдыздарды жүлдеге айырбастай алмасаң, оған мына екеуінің бірі себеп болуы мүмкін:

• Белгілі бір жүлдеге жұлдыздарың жетпейді;
• Жүлделер таусылды. «Сатып алынып кетті» мәртебесі қазір дүкенде мұндай жүлденің жоқ екенін білдіреді. Жүлделер саны ылғи да шектеулі болғандықтан, сыйлық дүкенге қойыла сала алған дұрыс. Егер «Сатып алынып кетті» мәртебесі орнына платформа жүлдені сатып алғаныңды көрсетсе (бірақ сен бұрын бұл сыйлықты алмағансың), онда саған Qlever қолданбасын жаңарту қажет. Бұл да көмектеспесе, @KZqleverbot-тағы «Сатып алу (баланс, жүлделер және жеткізу)» бөліміндегі Telegram чатынан көмек сұра.

Дүкенде жүлделер саны шектеулі, ал ойыншылар күн сайын артып келеді, сондықтан ұтыстарыңды жинап үлгеруің керек. Ескерту: платформада жүлделерді әр айдың 1-і және 15-і сағат 18:00-де енгіземіз 😉

Жинаған жұлдыздарды жүлдеге айырбастауға болады. Жүлдені таңдау үшін «Дүкен» бөліміне кіріп, өзіңе ұнайтын сыйлыққа тапсырыс бер.

Балансты Qlever дүкенінен толтыруға болады. Платформада шын аты-жөнің мен туған күнің көрсетілгеніне көз жеткіз. Онсыз теңгерім толтырылмайды. Qlever аккаунтындағы деректерді қалай өзгерту керек екенін жоғарыда жаздық – «Аккаунттағы деректерімді қалай өзгертуге болады?» деген сұрақтың жауабынан қара.

Платформада теңгерімді екі рет толтыра аласың.

Жүлде 30 күн ішінде жеткізіледі (демалыс күндері есептелмейді).

Саған сыйлық жібере алуымыз үшін нақты мекенжайды, пошта индексін және телефон нөмірін көрсетуің керек (екі нөмір жазғаның дұрыс). Платформа бұл деректерді өзі сұрайды. Жүлдені жылдамырақ жібергенімізді қаласаң, @KZqleverbot Telegram чатындағы «Сатып алу (баланс, жүлделер және жеткізу)» бөліміне жаз. Платформадағы телефон нөміріңді және аты-жөніңді хабарла.

Қандай да бір себептермен жүлдең 30 күн ішінде келмесе, Qlever платформасы әкімшісіне хабарлас. @KZqleverbot-тан «Сатып алу (баланс, жүлделер және жеткізу)» бөлімін таңда! Telegram чатында біз өте жылдам жауап береміз.

Жүлде жіберіліп қойған болса, мекенжайды ауыстыра алмаймыз, жаңа мекенжайға да жібере алмаймыз. Сондықтан, жүлде жіберілетін мекенжайды ауыстырғың келетінін жылдамырақ жаз.

Жеткізу деректерінің қаншалық дұрыс екенін тексергің келсе немесе мекенжайды өзгерткің келсе, мына қадамдарды орындауың керек (бұл тек браузерде орындалады):

• Өз профиліңді бас (экранның жоғарғы оң жақ бұрышындағы атың жазылған белгіше);
• «Сатып алу тарихы» тармағына жылжып, қазіргі саудаңды таңда;
• Келесі терезеде жүлде сипаттамасының астында тұрған «Жеткізу мекенжайын өзгерту» опциясын таңда;
• Жаңа деректерді енгіз де, «Өзгерту» түймесін бас.
• Бізге Телеграм чат-қа немесе поштаға мекенжайыңның ауысқанын жаз.

Өкінішке қарай, жоқ. Бір жүлдені бір рет қана алуға болады. Ал мобильді байланыс теңгерімін екі рет толтыра аласың.

Жүлдеден өзің бас тарта алмайсың, ол үшін Qlever платформасының әкімшісіне хабарлас. @KZqleverbot-тан «Сатып алу (баланс, жүлделер және жеткізу)» бөлімін таңда! Telegram чатында біз өте жылдам жауап береміз.
Сыйлық саған әлі жіберілмеген болса, жұлдыздарды кез келген сыйлықтың орнына қайтаруға болады.

Qlever сайтынан алған сыйлықтар тарихын көру үшін профиліңе өтіп, сатып алу тарихын тап та, «Барлық сатып алу» түймесін бас. Біз профильді қалай енгізу керек екенін «Аккаунттағы деректерімді қалай өзгертуге болады?» деген сұрақтың жауабында айттық.

Платформадағы жүлделерді әр айдың 1-і мен 15-і аралығында сағат 18:00-де енгіземіз. Бәріне Push-ескертпе жібереміз. Сондықтан сыйлықты жіберіп алмау үшін телефон параметрлерінде қолданбадан келетін хабарландыруларды қосып қой.

Жоқ. Мобильді бірлік тек телефон балансына есептеледі. Ұтып алған жүлде қолма-қол берілмейді, банк картасына немесе электрон әмиянға жіберілмейді.

Мобильді бірлік ұтып алсаң, олар саған автоматты түрде жіберіледі. Бірлік ҮШ КҮНДЕ түспесе:

• Шын аты-жөніңді немесе туған күніңді енгізбесең, бірлік жіберілмейді;
• Qlever-дің қолданушы келісімін бұзсаң, бірлік жіберілмейді;
• Телефон нөмірін қате енгізсең, бірлік түспеуі мүмкін – оны Профиль ➡️ Профильді өңдеу бөлімінен тексер;
• Деректерің дұрыс болса, бірақ үш күнде бірлік әлі түспесе, Telegram-да «Сатып алу (баланс, жүлделер және жеткізу)» бөліміне жаз (онда жылдамырақ жауап береміз). Немесе кері байланыс бөлімі арқылы бізге хабарлас. Мұны істеу үшін компьютерден «Кері байланыс» қосымша бетіне өт (белгіше сол жақтағы мәзірде тұр). Мобильді қосымшада бұл тармақ «Қосымша» ➡️ «Qlever туралы» ➡️ «Әкімшіге жазу» бөлімінде тұр.

Жүлде ұтып алсаң, әкімшіміз деректеріңді тексереді. Мынадай жағдайларда жүлде жіберілмейді:

• Аты-жөнің немесе туған күнің қате жазылса;
• Qlever-дің қолданушы келісімін бұзсаң;
• Телефон нөміріңді қате енгізсең – жеткізу қызметі сенімен байланыса алмайды.

Дұрыс деректерді көрсет те, Telegram-да «Сатып алу (баланс, жүлделер және жеткізу)» бөліміне жаз (сол жерде жылдамырақ жауап береміз).