Бір қызығы, кәдімгі газеттер де, бірыңғай пошта жүйесі де бір адамның билік етуі кезінде пайда болды, ол - Гай Юлий Цезарь. Ол Сенат отырыстары туралы есептерді, командирлер хабарламасын және көрші мемлекеттер билеушілері жолдауларын таратуды бұйырды.
Баспа пайда болғанға дейін газеттер жеке баспа түрінде таратылатын. 1450 жылдары Иоганнес Гутенберг типографияны ойлап тапқаннан кейін бәрі өзгерді. Бұл хатшылардың қызметінен толығымен бас тартуға, форманы стандарттауға және процесс құнын төмендетуге мүмкіндік берді.
Содан кейін адам қашықтыққа ақпарат жіберуге бет алды. Телеграф өнертабысы байланыс жылдамдығын түбегейлі өзгертті, демек, өмір жылдамдығын да. Мысалы, жаңалықтар 15 минутта жете бастады.
Ақпаратты беру жылдамдығындағы келесі үлкен алға жылжу телефон ойлап табылғаннан кейін болды. 1876 жылы 14 ақпанда Грэм Белл телефон аппаратына патент алды.
Алғашқы ЭЕМ (электрон есептеуіш машина) 1945 жылы пайда болды, дегенмен оны әзірлеу 30-шы жылдардан басталды. Ол ЭНИАК деп аталды және салмағы 30 тонна болды. Тек 70-ші жылдары гардероб өлшеміндегі «микро»-ЭЕМ пайда болды. 1976 жылы нарықта алғашқы Apple компьютері пайда болды.
Ал жоғары жылдамдықты интернет пайда болған соң келесі дәуір басталды.
Дереккөз:
Медиа и информационная грамотность. Учебное пособие для учащихся 9–11(12) классов. / П. Банников, Т. Соколова, О. Гороховський, И. Печищев, Д. Радзявичус, А. Усупбаева, Д. Шишкин. – Алматы: ОФ «Международный центр журналистики «MediaNet», 2021