Кейінгі жылдары киберспорт жаһандық ауқымда танымал болды. 2022 жылғы Азия ойындарында киберспорт ресми түрде турнир бағдарламасына енеді, онда спортшылар медаль үшін таласады. Киберспортқа салынған капитал миллиондаған долларға жетеді (1).
2016-2018 жылдары Орталық Азия елдерінде бірінен соң бірі киберспорт федерациялары құрыла бастады – Өзбекстанның электрон компьютер спорты федерациясы (2016 ж.), Қырғызстан Республикасындағы киберспорт федерациясы (2016 ж.), Қазақстанның киберспорт федерациясы (2017) және Тәжікстан киберспорт федерациясы.
Өңірдегі үлкен жетістік киберспорттың спорт түрлері тізіліміне енуі болды. 2018 жылғы маусым айында Қазақстанның спорт тізілімінде жаңа спорт түрі – киберспорт пайда болды. 2018 жылғы желтоқсан айында киберспорт Қырғызстанның спорт және спорт түрлерінің ұлттық тізіліміне енгізілді. Дәл осындай жағдай 2019 жылы Өзбекстанда да болды. Сонымен қатар, 2020 жылы Qazaq Cybersport федерациясы Қазақстанның Ұлттық Олимпиада комитеті құрметіне ие болды.
Жарыстар тізіміне енген Орталық Азия аймағындағы ең танымал ойындар: Dota, CS, Tеккен7 және pes21. Республика ішіндегі іріктеу тураларынан кейін жеңімпаздар аймақтық іріктеуге – Орталық Азия, Солтүстік-Оңтүстік Азия, Америка және т.б. Финал кезеңіне Орталық Азия аймағынан аймақтық іріктеу жарыстарынан өткен қатысушылар барады. Халықаралық киберспорт федерациясы жыл сайын финалдық турларды әртүрлі елде ұйымдастырады (2).
Бірнеше киберспорт турнирі Орталық Азия мен ТМД елдерінен келген спортшылар мен көрермендерді тартатын дәстүрге айналды. Олардың қатарында Өзбекстан, Қазақстан, Тәжікстан, Қырғызстан, Армения, Беларусь Республикасы, Грузия, Молдова, Ресей, Түркіменстан және Украина өкілдері қатысатын ALTEL Cyber Games турнирлерінің сериясы бар (3).
Дереккөздер:
- https://kun.uz/ru/00180431
- https://kabar.kg/news/kibersport-v-kyrgyzstane-u-strany-est-vse-shansy-popast-v-mezhdunarodnyi-turnir/
- https://kursiv.kz/news/sport/2022-01/kibersport-v-kazakhstane-itogi-2021-goda