Еуропа одағының бірден 15 елі Еурокомиссиядан 5G телекоммуникация желілеріне қатысты жалған ақпаратқа қарсы стратегия әзірлеуді талап етіп отыр, деп хабарлайды Factcheck.kz.
Euractiv жоғары атқарушы органға хатқа Австрия, Болгария, Хорватия, Чехия, Кипр, Эстония, Финляндия, Греция, Латвия, Литва, Люксембург, Польша, Португалия, Словакия және Швеция қол қойғанын хабарлайды. Басылым мәліметінше, телекоммуникациялық топтар қаңтар мен маусым айлары аралығында олардың Еуропадағы инфрақұрылымына 140 шабуыл жасалғанын хабарлаған. Қылмыстың көбі Ұлыбритания мен Нидерландыда жасалды.
Хат комиссияны проблеманы келесі шабуыл Еуропаны желінің бесінші буынымен қамтуға әсер етпес бұрын шешуге шақырады.
Еске салайық, маусым айында перулік шаруалар ауыл жанында антеннаны жөндеп жатқан сегіз жұмысшыны тұтқынға алған еді. Жергілікті тұрғындар оларды 5G мұнараларын орнатып жатыр деп қате түсінген. Кейбір елде коронавирус пен 5G желілері арасындағы байланыс туралы жалған ақпарат тарады. Биыл сәуір айында 4 күн ішінде белгісіз біреулер 20 мобайл байланыс мұнарасын бұзған. Оған қоса, тұрғындар желінің бесінші буыны 5G орнатуы мүмкін екенінен қауіптеніп, сәуірде Солтүстік Осетияның (Ресей Федерациясының субъектісі) Ногир ауылының маңындағы МТС телефон байланысы мұнарасын өртеп жіберді.