Бәріңе сәлем!
Барлық қызды көктем мерекесімен, бақыт мейрамымен құттықтаймын!
Сенің назарыңа Орталық Азия елдеріндегі маңызды оқиғалар туралы жаңа дайджесті ұсынамын.
Кеттік!
Білім
Өзбекстанның әр аймағында пәтерлерде және жақын туыстарының үйінде тұратын студенттерді бақылау үшін жұмыс топтары құрылады. Толығырақ.
1 сәуірден бастап Қырғызстанның барлық студенті дәстүрлі форматта оқи бастайды. Бұл туралы вице-премьер-министр Артем Новиков мектептегі білім берудің өзекті мәселелерін талқылауға арналған жиында айтты, деп хабарлайды министрлер кабинетінің баспасөз қызметі. Толығырақ.
COVID-19-ға байланысты көптеген ел мектептерді жабу туралы шешім қабылдады. Нәтижесінде бүкіл әлем бойынша шамамен, 168 миллион бала бір жыл ішінде кластарға кіре алмады және мұғалімдерімен және құрдастарымен сөйлесе алмады. Шамамен, 214 миллион бала немесе әлемдегі әрбір жетінші бала күндізгі оқытудың төрттен үшінен астамын жіберіп алды. Қырғызстандағы және Орталық Азия елдеріндегі жағдай туралы толығырақ.
Өзбекстанда 2021-2022 оқу жылынан бастап шетел тілдері бойынша мамандар даярлайтын жоғары оқу орындарының 3-4-курс студенттері үшін қажылық туризм бойынша оқу бағдарламасы енгізіліп жатыр. Толығырақ.
Адам құқықтары
Өзбекстан Республикасы Әділет министрлігі Еуропалық қайта құру және даму банкімен (ЕҚДБ) және Гендерлік теңдік жөніндегі ұлттық комиссиямен тығыз ынтымақтаста жасалған гендерлік реттеушілік әсерді бағалау жүйесін (GR-RIA) енгізу бойынша 2021 жылға арналған іс-шаралар жоспарын бекітті. Бұл осы ел үшін де, Орталық Азия үшін де революциялық оқиға болып отыр. Өйткені Өзбекстан аймақта бірінші болып жаңа ереже ерлер мен әйелдер арасындағы теңсіздікті қалай ұлғайтатынын, сақтайтынын немесе азайтатынын зерттейтін арнайы құрал «гендерлік линзаны» енгізген алғашқы мемлекет болады. Толығырақ.
Freedom House құқық қорғау ұйымы коронавирус пандемиясы, экономикалық белгісіздік және жер бетіндегі қақтығыстар әлемдегі бостандық деңгейінің 2020 жылы төмендеуіне әкелгенін айтады. Толығырақ. Есептің сілтемесі.
Әлеумет
Facebook Ireland Ltd Тәжікстан үкіметі жанындағы Салық комитетіне 2 наурызда тіркелді. Компания http://www.andoz.tj ресми сайты арқылы ҚҚС (қосылған құн салығы) төлеуші ретінде тіркелді, деп хабарлайды елдің салық ведомствосы. Салық комитеті өзінің өкілеттігі шеңберінде шетелдіктерге республиканың салық заңнамасын сақтауға көмек беруге дайын екенін және қажет болған жағдайда бизнес қауымдастыққа керекақпарат ұсынатынын айтып өтті. Толығырақ.
Қырғызстан «COVID-19-сыз саяхаттаймын» цифрлық платформасына қосылды. Платформаға тестілеу режимінде екі аккредиттелген мемлекеттік зертхана кірген. Олар Аурулардың алдын алу және мемлекеттік санитар-эпидемиологиялық қадағалау департаментінде (Бішкек) және Мемлекеттік санитар-эпидемиология қадағалау орталығында (Ош). Толығырақ.
Бізбен бірге екеніңе рақмет!
Әзірше!
P.S. Команданы қолда! Лайк басып, Qlever-де ойна!