Қымбатты дос!
Көктем келгенін сезіп тұрсың ба?! Міне, көктем де жетті!
Назарыңа қыстың соңғы аптасында Орталық Азиядағы маңызды оқиғалар туралы жаңалықтардың жаңа дайджесін ұсынамын.
Кеттік!
Білім
Қырғызстанның Білім және ғылым министрлігі ел аймақтарында 500 қысқамерзімді балабақша ашуды жоспарлап отыр. Бұл туралы ведомствоның баспасөз қызметі хабарлады. Министрлік мәліметінше, қазір мемлекеттік аудандық әкімдіктер мен айыл окмоту басшыларымен, қалалық және аудандық білім бөлімдері жетекшілерімен онлайн кездесулер өткізіліп жатыр. Толығырақ.
Қырғызстанда мектеп оқушылары арасында «Зорлық-зомбылықты ақтауға болмайды!» деген байқау өтеді. Бұл туралы Білім және ғылым министрлігі баспасөз қызметі хабарлады. Байқауға Қырғызстанның барлық мектебінің 9-11-класс оқушылары қатыса алады. Ол үшін үш адамнан тұратын топ құру керек, топ мүшесінің бірі басқа жыныста болуы шарт. Бір мектептен тек бір команданың қатысуына рұқсат етіледі. Толығырақ.
Қазақстанда алдау фактілері жиі кездесетіндіктен, мұғалімдерге тестілеуден бұрын міндетті тексеру өткізу ұсынылды. Ұлттық тестілеу орталығы директоры Дидар Смағұлов біліктілік тестілеуінен өтпес бұрын мұғалімдерге міндетті тексеру енгізуді ұсынды. Жыл басынан бері 349 мұғалім шпаргалкамен, смартфонмен және басқа да тыйым салынған заттармен ұсталды. Бұл туралы орталық басшысы өзінің Facebook-парақшасында жазды. Толығырақ.
Назарыңызға әр елдегі студенттерге арналған стипендия мөлшері туралы да материал ұсынамын. Толығырақ.
Адам құқықтары
Өзбекстан діни материалдарды заңсыз өндіру, сақтау, әкелу немесе тарату үшін қылмыстық жазаны алып тастауды жоспарлап отыр. Бұл туралы жаңа Қылмыстық кодекс жобасында айтылды, деп хабарлайды Ферғана ақпараттық агенттігі. Толығырақ.
Қырғызстанның мемлекеттік тіркеу қызметі жазушы және азаматтық белсенді Алтын Қапалованы үш баласының әкесінің есімін анасына ауыстырып, өз фамилиясын бергені үшін сотқа берді. Толығырақ.
«Коронавирус пандемиясы 2020 жылы Тәжікстандағы ЛГБТ қоғамдастығына қатты әсер етті, осы ұйымның 24 өкілі гуманитарлық көмек пен азық-түлік сұрады». Бұл туралы бүкіл Еуропа мен Орталық Азияның 600-ден астам ұйымын біріктіретін ILGA-Europe жаңа есебінде айтылған. Қауымдастық БҰҰ-ның Экономикалық және әлеуметтік кеңесінде (ECOSOC) консультатив мәртебеге ие және Еуропа кеңесінде мүше мәртебесіне ие. Толығырақ.
Әлеумет
Қазақстанда кез келген адамға көмегі мен игі ісі үшін алғыс айтуға болатын веб-сайт ашылды. Толығырақ.
Өзбекстан мен Тәжікстан алдағы уақытта іргелес аумақта жақын туысы қайтыс болған немесе ауыр дертке шалдыққан екі республика азаматтарын құрлықтағы шекаралары арқылы еркін өткізуге келісті, деп хабарлайды Тәжікстан үкіметіндегі «Азия-Плюс» дереккөзі. Толығырақ.
"Tajik soap handmade" – табиғи түрде қолдан жасалған сабынды Душанбе тұрғыны Махмуджон Мукимов бесінші жыл қатарынан қайнатып келеді. Тәжікстандағы жалғыз сабын шығарушы бұл сабынның емдік қасиеті бар екенін, теріні құрғатпайтынын және аллергия тудырмайтынын айтады. Толығырақ.
Түркіменстан президенті Гурбангулы Бердімұхамедов реформаланған парламенттің жоғарғы палатасымен сайлауға бір ай қалғанда кездесіп, төменгі палатаның депутаттарымен отырыс өткізіп, олардың жұмысына қанағаттанбайтынын білдірді, сондай-ақ коронавирустың Түркіменстан үшін «күтпеген жағымсыз салдарын» мойындады. Толығырақ.
1 сәуірден бастап интернет арқылы сауда жасайтын кәсіпкерлерден арнайы цифрлық кодтар алу талап етіледі. Бұл мемлекет басшысының «Электрон сауданы басқаруды жетілдіру және оны одан әрі дамыту үшін қолайлы жағдайлар жасау туралы» қаулысы жобасында көзделген. Толығырақ.
Бізбен бірге екеніңе рақмет!
Әзірше!
P.S. Команданы қолда! Лайк басып, Qlever-де ойна!