Бәріңе сәлем!
Назарыңа Орталық Азия елдеріндегі маңызды оқиғалар туралы дайджесті ұсынамын.
Кеттік!
Білім және ғылым
Қаңтар оқиғасы мен пандемия кезінде сабақтың тоқтатылуына байланысты Қазақстанда жазғы мектептер жұмыс істейді, деп хабарлады ҚР Білім және ғылым министрі Асхат Аймағамбетов. Толығырақ.
Pledges халықаралық компаниясы жаңа Bootcamp ProSkills бағдарламасын іске қосу үшін дүниежүзіндегі бес бағдарламалау мектебінің бірі ретінде Тәжікстандағы «Илмхона» дағдылар үдеткішін таңдады. Бағдарламаның негізгі мақсаты – студенттерді қысқа мерзімде жұмысқа қарқынды дайындау. ProSkills курстары жұмыс берушілердің қажеттіктеріне бағытталған және 3 айда маман болу үшін практикалық білім береді. Бағдарлама бағдарламалау білімі бар адамдар үшін қолайлы. Қалғанының бәрі курста оқытылады. Толығырақ.
«Газеты.uz» редакциясы «Шетелдегі өзбекстандықтар» жобасы аясында шетелде білім алып жатқан немесе шетелдің жоғары оқу орындарын бітіріп, шетелде жұмыс істейтін отандастармен сұхбат жариялап жүр. Біз үйден жырақтағы өмір, шетел оқуын таңдау себептері және кейіпкерлердің басынан өткен сынақтар туралы айтамыз. Толығырақ.
Әлеумет
Қазақстан 3 жылда 62 миллион шаршы метр тұрғын үй салуды көздеп отыр. Дағдарысқа қарсы шаралар кешенінде тұрғын үй мәселесі басты мәселелердің бірі болғандықтан, қарқын артады. Құрылыс материалдарының қымбаттауын ескерсек, үкімет бұл міндетті атқара ала ма? Бұл туралы «31 арнадағы» «Информбюро» эфирінде мамандар айтты. Толығырақ.
Өзбекстан мемлекеттік және жеке медицина ұйымдары үшін медицина қызметтерінің бірыңғай тарифтерін бекітеді, деп жазды Ферғана. Қаржы министрлігі мен Денсаулық сақтау министрлігіне прайс-листерді теңестіруге 2 апта уақыт берілді, деп хабарлады Өзбекстан президентінің баспасөз қызметі Шавкат Мирзиёевтің қатысуымен өткен видеоконференция қорытындысы бойынша. Толығырақ.
Адам құқықтары
Ауғанстанда билікті басып алған радикалды «Тәліптер» қозғалысы уәдесін орындамай, орта және одан жоғары жастағы қыздарды мектепте оқытпай қойған соң, Кабулда көптен бері болмаған әйелдердің наразылық акциясы тағы өтті. Қаңтар айының ортасында әйелдердің паранжа (бурка) киюге міндеттеуге қарсы наразылық шерулерінен кейін тәліптер белсенділерді жаппай қамауға алды. Алайда тәліптердің қыздардың мектепке баруына тыйым салуы әйелдердің жаңа көше акциясын тудырды: олар репрессиядан емес, қыздарының оқу-жазуды білмей, кейін радикалдардың діни қараңғылық нормаларына мойынсұнуына тура келуінен қорқады. Толығырақ.
Түркіменстандағы діндарлар жаңа қысымға тап болып отыр. Елордалық мемлекеттік мекеме қызметкерлеріне жұмыс орнында намаз оқуға тыйым салынды. Қазіргі уақытта елдегі мешіттер коронавирус пандемиясы себебінен жабық болғанымен, күн сайын бес рет азан шақырады. Азатлықтың Ашхабадтағы дереккөздері мен тілшілері намаз оқитын азаматтарға қысымның тағы да күшейгенін хабарлады. Олардың айтуынша, мемлекеттік мекемелерде қызметкерлерді жұмыстан шығарамыз деп қорқытып жұмыста намаз оқымау керек екені ескертілген. Толығырақ.
Экология
UniSat білім беру бағдарламасына қатысатын Қазақстанның, Қырғызстанның және Өзбекстанның 150-ден астам қызы (Uni UNICEF (БҰҰ-ның балалар қоры (ЮНИСЕФ), Sat – satellite (спутник) деген сөздің қысқарған түрі) стратосфераға үш ультразаманауи наноспутнигін ұшырды. Бұл туралы Anhor.uz Өзбекстандағы ЮНИСЕФ кеңсесінде хабарлады. Толығырақ.
Мәдениет және спорт
Душанбеде әйелдерге арналған алғашқы 55 GYM LADIES толыққанды спорт кешені ашылды. Ол 55 GYM спорт кешендерінің бірінші ұлттық желісіне кіреді. Ұйым басшылығының айтуынша, әйелдерге арналған эксклюзивті спорт кешенін салу кезінде бойжеткендер залда ер адаммен бірге жаттығуға мәжбүр болған кезде туатын ыңғайсыздықты болдырмау үшін психологиялық жайлылықтың барлық факторы ескерілген. Жаңа спорт кешені кейінгі үлгідегі құрал-жабдықтармен жабдықталған, мұнда кәсіби, тек әйел адамдар жұмыс істейді. Толығырақ.
Қырғызстан футбол одағы мен MegaCom мемлекеттік ұялы байланыс операторы демеушілік келісімге қол қойды. Құжатқа ресми қол қою рәсімі 2022 жылғы 28 наурызда MegaCom бас кеңсесінің конференц-залында «ҚФО» ЗТБ президенті Медербек Сыдықов пен «Альфа Телеком» ЖАҚ бас директоры Азат Базарқұловтың қатысуымен өтті. Қол қойылған келісім шарттары бойынша, MegaCom мемлекеттік ұялы байланыс операторына Қырғызстан футбол одағының бас демеушісі деген артықшылық мәртебесі берілді. Толығырақ.
Бізбен бірге екеніңе рақмет!
Әзірше!
P.S. Команданы қолда! Лайк басып, Qlever-де ойна!
* Дайджесті жазуға оқу практикасы аясында Алуа Сәтбекова көмектесті