Компания дүкендерінде төлем жасау үшін сканерге алақанды қойса, жеткілікті.
Компания сайтында жаңа технологияның Amazon One деп аталатыны жазылған. Informburo.kz 29 қыркүйектен бастап технология Сиэтлдегі екі Amazon Go бөлшек сауда дүкенінде іске қосылатынын хабарлайды.
Қызметті пайдалану үшін құрылғыға несие картасын салып, сканерге алақаныңызды қояды. Бұл картаны "бірегей алақан қолымен" байланыстыру үшін керек. Тіркеуден кейін пайдаланушы компанияның дүкендерінде Amazon One құрылғысының үстінде алақанын бір секунд ұстап тұрып, төлем жасай алады.
Компания бұл жүйені стадиондарға немесе кеңселерге кіруге пайдалануға болатынын хабарлады. Компания құрылғыларды басқа дүкендерге енгізу туралы бірнеше әлеуетті сатып алушылармен белсенді келіссөздер жүргізіп жатыр.
Компания пайдаланушы дерегінің қауіпсіздігі мен құпиялылығына байыпты қарайтынын баса айтты. Amazon One көптеген қауіпсіздік басқару элементімен қорғалған, ал алақан суреттері Amazon One құрылғысында сақталмайды. Суреттер шифрланып, бұлттағы арнайы жасалған қауіпсіз аймаққа жіберіледі.