Қазақстандық Иманбек Зейкенов өзінің Roses ремиксімен «Грэмми-2021» сыйлығына ұсынылды және жеңетініне сенімді, деп хабарлайды Liter.kz.
«Маған «Грэмми» сыйлығына ұсынылғаным туралы жазғанда Instagram-да тікелей эфирде отыр едім. Сенер-сенбесімді білмедім, өйткені бұл туралы білмеген де едім», - деді қазақстандық.
Үміткерлер тізімі салтанат өтетін сайтта жарияланды. Roses трегі (Imanbek Remix) жыл ремиксі ретінде марапатқа ие болуы мүмкін. 63-ші «Грэмми» сыйлығы эфирге 31 қаңтарда шығады.
Roses әні түпнұсқасының орындаушысы - америкалық рэпер Saint JHN, бірақ бұл ән 2019 жылы қазақстандықтың ремиксі шыққаннан кейін танымал болды. Содан кейін Ақсу-1 теміржол станциясының сигналшысы, қазір 20 жастағы Иманбек Зейкенов әлемге әйгілі болды. Оның трегі Apple Music-тің үздік ондығына кірді, Shazam музыка қосымшасында 6,5 миллионнан астам қаралым жинады, Яндекс-музык чартында бесінші орынға ие болды және ол Spotify-да 4 миллион рет тыңдалды. Рэпер Saint Jhn-нің YouTube каналында миллионнан астам рет қаралды.
Roses ремикісі Shazam платформасында ең көп ізделген әндердің тізіміне енді.
Бір ай бұрын диджей және музыкалық продюсер Иманбек Зейкеновтің Usher және Marshmello-мен бірге жаңа трек жазғаны белгілі болды.