Калифорния университеті колледжінің (АҚШ) студенті Лиам Порр блогта нейрондық желі жасаған жалған хабарламаны жариялады және оның жасандылығына ешкім күмән келтірмеген.
Жасанды зерде көмегімен жасалған мәтін Hacker News хакерлік басылымында тез-ақ танымал болды, деп хабарлайды MIT Technology. Студент OpenAI компаниясы әзірлеген GPT-3 нейрондық желісінің соңғы нұсқасын пайдаланып, тақырыбы мен кіріспесі бар шағын сценарий жазған. Бірнеше нұсқа жасалған соң, еш өңдеусіз біреуін таңдаған.
Арнайы өңдеусіз контент құру айласы GPT-3 басым және әлсіз жақтарын түсіну үшін қажет болды. «Әдемі жазу оның қолынан келеді, бірақ ақпараттың қисындылығы мен ұтымдылығында аса мықты емес», — дейді Порр. Сондықтан ол блогтың қатаң логиканы қажет етпейтін танымал санатын – өнімділік пен өзін-өзі жетілдіруді таңдаған. Студенттің айтуынша, ол жасанды зерденің автор-адамды оңай алмастыра алатынын дәлелдегісі келген. Ерекше жазу стилі мен кездейсоқ қателерге қарамастан, жазбаға пікір қалдырған ондаған комментатордың үш-төртеуі ғана мәтінді жасанды деп күдік келтірген. Оның үстіне бұл пікірлерді қауымдастықтың басқа мүшелері бірден теріске шығарып отырған.
Поррдың эксперименті көптеген кликбейт-контент жасау үшін аталған құралды қалай оңай қолдануға болатынын көрсетеді, бұл адамдарды алаңдатпай қоймайды.
GPT-3 контексті – OpenAI ұсынған жасанды зерденің соңғы нұсқасы. Тіпті жасанды зерденің алдыңғы нұсқаларын да OpenAI компаниясы жариялау тым қауіпті деп атаған еді.
Дереккөз:
Сергей Ким (18.08.2020). Factcheck.kz. Алынған күні: 01.09.2020. URL: https://factcheck.kz/v-mire/student-sozdal-soobshhenie-s-pomoshhyu-nejroseti-i-obmanul-chitatelej/.